عادل الربيعي .........أجانه العيد

كل عيد اليمر عالناس
فرحانه وتعيد بيه


وانه صافن
أتحسر***


عيدي شرد اعيد
بيه


سكم لو نوح لو
ونه****


لو جمرات بين الكلب
يجونه


حفنه سنين****


خلصنه العمر ونه بأثر
ونه


كل الناس تفرح من يمرها
العيد*


بس شعب العراقي بحزنه
يتغنه


وكل ليل اليجي لا بد صبح
بيه**


بس ليلي طويل وطالت
المحنه


بغربه وهيمه بس
ترحال**


هم تكضي وارد لعراقي
اشوفنه


يمته الدنيه تصفه
وياي***


وبشوفة هلي وأحبابي
أتهنه


ويطر فجر السلام***يصير
صبح جديد


تصفه الناس بيه وندفن
الفتنه


ويمد أيده الجنوب يكحلج
بغداد


ومن أهل الرمادي نجيب ألج
حنه


بأطيافه العراق شكد جميل
يصير


أكراد وعرب والشيعه وألسنه



ادعي الله بحبيبه وجاه أبو
الحسنين


بحبال الموده يشد اواصرنه



وأعياد التجينه أفراح كله
تصير


ننشد للعراق وروضته
ألجنه

تعبير جميل وصادق ويا ليت العراقيين يفكرون بهذا الشكل الايجابي-----كل الناس تفرح من يمرها العيد--بس شعب العراق بحزنه يتغنه
والله صحيح 100% ا---ويطر فجر السلام يصير صبح جديد--تصفه الناس بيه وندفن الفتنه----رائعه جدا--تحياتي الى الشاعر عادل الربيعي
ومزيد من نفحاتك الشعريه------